радиолокациялық станцияның анықтап-шешу қабілеті

(Разрещающая способность радиолокационный станции)

кеңістікте бір-біріне жақын орналасқан нысаналарды тауып, радиолокациялық станция экранында оған жеке-жеке бақылау жасау мүмкіндігі. Р.с.а-ш.қ. қашықтығына, жылдамдығы мен бұрышына қарай бөлінеді. Қашықтық екі нысана арасындағы ең аз қашықтық, оларды станция индикаторында бір мезгілде бақылауға болады, сонымен бірге олардың әрқайсысына дейінгі қашықтықты жеке анықтауы да мүмкін. Қарқынды радиолокациялық станцияларда қашықтыққа байланысты жоғарғы Р.с.а-ш.қ., негізінен, шығарылған күштің (қарқынның) ең аз ұзақтығын таңдауға негізделеді. Жылдамдық бойынша шешу қарқыны дегеніміз — жылдамдықтардың ең аз айырмашылығы. Мұнда әр жылдамдық жеке де өлшенеді. Бұрыш бойынша Р.с.а-ш.қ. дегеніміз — станция өлшейтін, бірдей қашықтықта орналасқан екі нысана арасындағы бұрыштардың ең аз айыр-машылығын, сондай-ақ бағыт бұрышын, азимуттан немесе осы нысаналар арасындағы жер бұрышын жеке анықтау мүмкіндігі. Бұрыш бойынша Р.с.а-ш.қ., негізінен, станция бағыты диаграммасының еніне байланысты болады. Оған тиісті мөлшердегі антенна мен станцияның жұмыс істеу жиілігі таңдалады.